ILOILO — Nakuhaan sang 115 grams nga suspected shabu nga may market value ₱782,000 ang nagasagod sang inugbulang nga manok sa drug bust operation sa Brgy. Cubay, San Enrique.
Suno kay Police Major Dadje Delima, Head sang Provincial Drug Enforcement Unit (PDEU), ginhimo ang operasyon sang nagpalab-ut sang impormasyon ang concerned citizen sa pag-engage sang subject nga si alyas Bert, 54-anyos sa illegal drug transactions.
Ginpahayag ni Delima nga may mga menor-de-edad nga nagasulod sa iya manokan sa diin niya ginahimo ang transaksyon.
Isa ka bulan nga ginpaidalom sa monitoring ang subject makaligad nadakpan ang drug personality nga ginakuhaan niya sang supply sang illegal nga druga sa Santa Barbara.
Magluwas sa San Enrique, areas of coverage man sang subject ang Passi City kag Dueñas suno kay Major Delima.
