Nasunog ang abandonado nga bodega sa Brgy. Cabano, San Lorenzo, Guimaras pasado las-11:10 kaina sang aga.
Suno kay Fire Officer 3 Ryan Lanes sang Bureau of Fire Protection San Lorenzo, human sa light materials ang amo nga bodega.
Napuhag ang mga residente sa palibot sang nakita ang pagtub-ok sang aso kag pagtuhaw sang kalayo gani gilayon nagtawag sang bombero.
Ginabanta nagalapad ang nasunog nga area sang 35 square meters. Nagbilin ang sunog sang P8,000 nga balor sang kahalitan, suno sa BFP.
Ginahibalo pa sang BFP ang ginhalinan sang kalayo. — ARI trainee Robert Nietes
