ILOILO — ILOILO— Ginabulong pa sa ospital ang amay nga ginlabo sang iya nga bata sa Brgy. Matangharon, Dingle kagab-i, Hunyo 1.
Suno kay Police Captain Alwin Salmon, OIC sang Dingle Municipal Police Station, ginsulong sang amay nga si alyas Erning, 60-anyos, ang iya bata nga si alyas Ed, 37-anyos sa ila balay.
Lapitay lang ang balay sang mag-amay, suno sa pulis.
Sa imbestigasyon, ginlabo sang amay ang iya nga bata gamit ang espading pero wala na-igo. Nagbalos ang bata kag naigo sa dughan ang amay. Nagpalagyo ang bata pagkatapos sang insidente.
Samtang, gindala sa Don Jose S. Monfort Medical Center sa Barotac Nuevo ang amay kag gin-refer sa ospital sa syudad.
Nadakpan kaina sang aga ang bata kag preso na sa Dingle MPS.
Sa pagpangusisa sang mga pulis, masami nga naga-away ang mag-amay kag kagab-i naglala pa gid. Naka-inom ang amay sang ginsulong ang iya nga bata, suno sa pulis. — Aksyon Farrah Mae Morano
