Bana patay sang nasunog ang abandonado nga balay sa Talanghauan, Cabatuan

ILOILO — Patay na sang nasapwan sa abandonado nga balay ang 50-anyos nga bana sang nasunog ang balay sa Talanghauan, Cabatuan kaina sang aga.

Suno sa asawa nga si Neresa, las 6 kaina sang aga sang nag-istoryahanay sila sang iya bana nga si Anthony Hechanova sang nagbiya siya sa ila balay agud magtrabaho sa Santa Barbara,

Naghambal pa si Anthony nga indi na siya maabtan pagbalik sang iya asawa gani wala nagpinsar si Neresa nga madala sa sunog ang bana.

Gin-ako ni Neresa nga anum ka tuig na nga wala sang may naga-istar sa balay kag apat pa lang ka adlaw nga nagbakasyon ang iya bana sa Brgy. Talanghauan tungod nagaproblema sa iya balatian nga colon cancer.

Nagapati si Neresa nga hungod nga ginsunog sang iya nga bana ang balay kag nasunog man siya.

Suno naman kay Senior Fire Officer 4 Jimboy Pacardo, acting municipal fire marshal sang BFP-Cabatuan, terasa sang balay nga human sa light materials ang nasunog kag narusdak// Nakita ang bangkay ni Anthony sa kusina sang balay. — Aksyon Farrah Mae Morano