Caretaker sa punungan dakup sa drug buy bust operation sa Nabitasan, La Paz; subject ginahimo runner ang mga menor-de-edad

ILOILO CITY — Dakup ang 55-anyos nga caretaker sang punungan sa buy bust operation sa Brgy. Nabitasan, La Paz kagab-i, Oktubre 14.

Suno kay Police Captain Roque Gimeno III, officer-in-charge sang Iloilo City Drug Enforcement Unit, na-monitor sang tatlo ka semana ang subject nga taga-Brgy. Taft North, Mandurriao kag kalabanan nga parokyano ang mga call center agents sa lugar.

Sa pagpangusisa sang police, sa Brgy. Bakhaw, Mandurriao ginakuha sang subject ang supply sang illegal drugs kag mga menor-de-edad ang iya ginasugo agud magdul-ong sang illegal items.

Ginpahayag ni Gimeno nga madamo sang mga nagatawag sa subject nga ma-transaksyon kuntani.

Pito ka sachets sang suspected shabu ang na-recover nga nagabalor sang P340,000. — Aksyon Paula Elambayo