ILOILO CITY — Patay ang 42-anyos nga construction worker sang nakuryente samtang naga-welding sa warehouse sa Brgy. Tacas, Jaro kaina sang aga.
Suno kay Police Captain Mary Jane Panes, officer-in-charge sang Police Station 3 sa Jaro, aksidente nga natandog sang lalaki ang welding rod rason nga nakuryente kag nahulog.
Nakaagum sang pilas sa ulo ang lalaki tungod sa iya pagkahulog kag may paso sa kamot.
Gindala sa ospital ang lalaki pero gindeklarar nga dead-on-arrival.
Ginpahayag sang police nga nagpabutyag ang tag-iya sang ginaobrahan nga warehouse sang lalaki nga sabton ang mga galastuson sa ospital. — Aksyon Paula Elambayo
