ILOILO – Mapatindog sang training center ang Department of Justice (DOJ) sa Brgy. Guinobatan, New Lucena sang nag-donate sang duta ang local government unit.
Nahuman ang agreement paagi sa pagpirma sang deed of donation sa tunga nanday DOJ Secretary Fredderick Vida kag New Lucena Mayor Carl Vincent Mondejar.
Ginsaksihan nanday Gov. Arthur Defensor Jr. kag Regional State Prosecutor Louie Doligosa ang pirmahanay.
Suno kay Vida, ginadalian ang pagpatindog sang training center agud masuportahan ang nagadamo nga empleyado kag mapabakod ang kapasidad sang institusyon.
“For the past three years, the average we’ve been training is more than 3,000 employees. In addition to that, we have trained more than 9,000 law enforcement officers and agents pursuant to our case-building efforts so we are able to file better cases in court. This type of interdependence is most welcomed,” suno kay Vida.
