Driver sang motorsiklo patay sang nakabunggo sa naga-parking nga truck sa Anilao

ILOILO — Patay ang 25-anyos nga driver sang Honda CRF sang nakabunggo sa naga-parking nga truck sa Barangay Camiros, Anilao sang Mayo 9 sang gab-i.

Suno kay Police Lieutenant Wendy Ojana, Deputy Chief of Police sang Anilao Municipal Police Station, nakaagum sang patal nga pilas sa ulo ang driver sang motorsiklo nga si alyas Jerol.

Wala sang suksok nga helmet si Jerol kag nagapanimaho sang ilimnon, suno kay Ojana.

Naka-parking ang truck sa kilid sang karsada tungod nga nagpanyapon ang driver nga si alyas Mamerto.

Nagpasalig si Mamerto nga mabulig sa pamilya ni Jerol sa mga galastusan sa pagpalubong. — Aksyon Angel Mae Ciudad