ILOILO — Ginapaabot ang mapaang kag tuman ka init nga tyempo sa probinsiya sang Iloilo tungod sa pagsugod sang dry spell condition.

Ini suno sa Provincial Community Defense Action Center Iloilo makaligad ang forecast sang DOST- PAGASA nga nagabaskog ang El Niño phenomenon sa Pacific Ocean.

Tungod sini, ginapanugyanan ang publiko nga magkinot sa paggamit sang tubig kag magpanghanda sa mga posible epekto sang mainit nga tyempo.

Dapat man preparahan ang mga tikang sa pagpahagan-hagan sang epekto sang malawig nga tig-ilinit sa probinsiya nga ginalantaw makaapekto sa sektor sang agrikultura.

Ang dry spell, weather condition kon diin malawig nga wala sang ulan sa isa ka lugar.