ILOILO — Naglain ang pamatyag sang mga pasahero sang Philippine Airlines flight PR 2544 (RP-C8619) tungod sa “insufficient oxygen supply” sa eroplano nga halin sa Dumaguete pa-Manila.
Nag-emergency landing ang eroplano sa Iloilo International Airport kag ginhatagan sang gilayon nga medical assistance ang mga pasahero.
Base sa Facebook post ni Jong Narciso, nag-anunsyo ang piloto nga ginakay-o nila ang aircon sa sulod sang kabina pero wala maresolbar samtang yara sa kahawaan.
Tungod sini, automatic nga nahulog ang oxygen mask halin sa overhead compartment gani ginkulbaan siya tungod sa mga pelikula lang sadtu niya makita ang kasubong nga sitwasyon.
Sa pihak sini, nagapasalamat si Narciso sa Ginoo tungod safe nga naka-landing sa Iloilo ang eroplano.
Tungod sa natabo, may mga pasahero nga naglain ang pamatyag nga gilayon ginhatagan sang medical assistance.
