ILOILO — Ginsumbag sa guwa sang ila eskwelahan ang 14-anyos nga Grade 9 student sa Tubungan.
Suno sa iloy sang estudyante, ginabanta 7 ka estudyante sang amo man nga eskwelahan ang nagsumbag sa iya nga bata.
Maayo lang suno sa iloy, nag-abot ang abyan sang iya bata nga nagtambag.
Napilasan ang agtang sang 14-anyos kag may nakita man nga dugo sa guwa sang iya dalunggan.
Ginpabutyag sang iloy nga nagalain ang iya buot tungod wala gilayon napunggan ang amo nga hitabo kag wala man sang may nag-upod sa iya bata sa pagpa-check up.
Wala gilayon kaabot ang lola tungod mga 7 kilometers pa ang kalayuon sang ila balay pakadto sa proper sang Tubungan.
Ang abyan niya nga kasubong niya lang edad ang nagbulig sa iya bata, suno sa iloy.
Ang iloy sang estudyante ang yara sa Manila.
Suno naman sa pulis na-settle na ang magtimbang nga kampo tungod nga gin-istorya na sila sang Women and Children’s Protection Desk (WCPD).
Samtang, ginpabutyag sang Schools Division of Iloilo ukon SDO naplastar na kag na-istoryahan na ang amo nga hitabo sa sulod sang eskwelahan.
