ILOILO — Patay ang 33-anyos nga lalaki sa Brgy. Balabag, Pavia sang natiruhan sang police pasado la-1 subong nga hapon.

Ginkilala ang natiruhan kay Alyas JR nga may igo sa dughan.

Ginbululigan pa dala sang mga residente si JR sa ospital apang wala na natabangan.

Base sa pagpangusisa sang Aksyon Radyo Iloilo news team sa iloy ni JR nga si Lea, una nga nagbaisay sanday JR kag ang iya utod nga si Jelyn.

Nagkuha sang kutsilyo si JR. kag ginlagas si Jelyn.

Tungod sini nangayo sang responde ang ila iloy sa police.

Base naman sa kuha sang CCTV camera sa lugar, nakit-an nga ginsaruso ni JR sang kutsilyo ang police nga nag-abot kabangdanan nga gintiro siya.