ILOILO — Na-recover ang masobra P1 million nga balor sang suspected shabu sa drug buy bust operation sang Station Drug Enforcement Team (SDET) sang Estancia Municipal Police Station (MPS) sa NHA Pabahay, Brgy. Gogo Estancia kahapon, Agosto 10.
Ginkilala ang subject kay Alyas Botbot, 36 anyos kag residente sang amo nga barangay.
Suno kay Police Captain Rowena Garcia, deputy chief of police sang Estancia MPS, naghalin sa syudad sang Iloilo ang supply sang illegal drugs sang subject.
Nakuha sa posesyon sang subject ang 155.04 grams nga kabug-aton sang suspected shabu nga may standard drug price sang P1,054,204.00.
Yara na sa kustodiya sang kapulisan ang subject.
