Nadulaan sang bag nga may sulod nga kwarta sa iya puluy-an ang negosyante sang litsonan nga manok sa Sara kahapon, Mayo 23.
Ginkilala ang nadulaan kay alyas Angela 27-anyos kag residente sang Brgy Apologista, Sara.
Suno Kay Police Lieutenant Brett Balopiños, hepe sang Sara Municipal Police Station, Biyernes sang gab-i nakapauli ang negosyante halin sa obra. Ginbutang niya ang bag nga may unod sang P70,000 sa iya kwarto.
Sabado sang aga sang natalupangdan nga wala na ang bag sa iya kwarto, suno sa pulis.
Gina-check sang mga pulis kon may CCTV camera sa balay sang negosyante ukon sa mga kaiping nga balay.
