ILOILO — Naluwas ang driver sang pick up nga naglapaw sa karsada kag nagbaliskad sa talamnan sa Brgy. Dawis Norte, Zarraga mga pasado las-3 kahapon sang hapon, Setyembre 12.
Suno kay Police Captain Raffy Señeres, hepe sang Zarraga Municipal Police Station, halin sa Iloilo City ang driver kag papuli sa Ajuy.
Base sa imbestigasyon, naga-ulan kaina sang hapon sa Zarraga rason nga posible nadanlog ang salakyan kag nadulaan sang kontrol sa manibela ang driver.
Nakabunggo sa poste sang telecommunication company kag mga tanom ang pick up antes nagdiretso sa talamnan kag nagkaya.
Wala napilasan ang driver, suno sa police.
