Pila ka hepe sang police stations sa Iloilo Province ginbalasa

ILOILO—Ginbalasa sang Iloilo Police Provincial Office (IPPO) ang mga hepe sang police stations sa probinsya.

Suno kay IPPO spokesperson, Major Rolando Araño, halin pa sang nagligad nga bulan ang pagsaylo sang pila ka mga assignment para sa maayo nga performance sang IPPO; may mga naglab-ut na ang PNP minimum year tenure; kag para sa career advancement.

Lakip sa mga gin-reassign ang mga masunod:

*Gindesignar nga OIC sang Lambunao Police Station si Captain Jose Winston Biadog tal-os kay Major Roy Tayona.

*OIC sang Badiangan Police Station si Captain Jorge Lenantud tal-os kay Major Bonifacio Alabe Jr.

*OIC sang Zarraga Police Station si Captain Beverly Cataluña OIC tal-os kay Captain Dande Ilalto.

*OIC sang San Dionisio Police Station si Captain Ma. Rosela Buenvida tal-os kay Captain Edward Villanis.

*OIC sang Barotac Nuevo Police Station si Captain Jersey Besas tal-os kay Lieutenant Johnny Bundac.

*Hepe sang Pototan Police Station si Major Bryan Alamo tal-os kay Captain Jersey Besas.

*Hepe sang Estancia Police Station si Major John Salvador Bello tal-os kay Captain Rowena Garcia.

*OIC sang San Miguel Police Station si Captain Bryan Alejo tal-os kay Lieutenant Wendy Ojana.

*Hepe sang Oton Police Station si Lieutenant Colonel Ahlie Estember tal-os kay Lieutenant Colonel Abner Jordan.

*Force Commander sang 2nd Iloilo Provincial Mobile Force Company si Lieutenant Colonel German Magbanua tal-os kay Lieutenant Colonel Joven Arevalo.

*Force Commander sang 1st Iloilo Provincial Mobile Force Company si Lieutenant Colonel Arnel Solis tal-os kay Lieutenant Colonel Ariel Artillero.