ILOILO CITY — Wala napilasan pero naglain ang pamatyag sang taxi driver sang nakabunggo ang iya ginamaneho nga unit sa SUV sa ibabaw sang Jalandoni Flyover sa General Luna Street, City Proper subong nga aga.
Pila ka minutos man antes nakuha ang driver sang taxi sa iya unit tungod ginhulat pa ang mga rescuers.
Base sa interview sang Aksyon Radyo Iloilo News Team sa nagasunod sa taxi, nakita niya nga “daw nadulaan” sang pangalibutan ang driver rason nga wala niya makontrol ang manibela kag nakabunggo sa kasugata nga SUV.
May impormasyon nga pila ka adlaw nga sige-sige ang iya biyahe sang taxi driver.
Wasak ang bumper sang duha ka salakyan.
Wala naman napilasan ang driver sang SUV.
