ILOILO CITY — Libre nga makatan-aw ang mga Ilonggos sang Miss Iloilo 2023 nga hiwaton sa Enero 18, las-7 sa gab-i sa Iloilo Convention Center.
Suno kay Professor Kevin Piamonte, pageant director sang Miss Iloilo subong nga tuig, tema sang Miss Iloilo 2023 ang “Flow” nga nagahatag sang tribute sa Iloilo River.
Ginpahayag ni Prof. Piamonte nga ginahinyo ang mga kandidata nga maggamit sang Hiligaynon ukon Karay-a sa ila question and answer portion.
Lima ka mga titulo ang agawan sang mga kandidata: Miss Iloilo 2023, 1st runner-up, 2nd runner-up, 3rd runner-up, kag 4th runner up.
I-deliberate naman kun sin-o sa mga madaug ang mangin Miss Iloilo-Universe, Miss Iloilo- Binibini, kag Miss Iloilo- World.
I-anunsyo lang sang Iloilo Festivals Foundation kun san-o kag sa diin pwede makakuha sang libre nga tickets. — via Aksyon Jeremae Ventar
