Lalaki, patay sang gintiro sa Arguelles, Jaro

By: JoMaque | Setyembre 27, 2020

Iloilo City — Patay ang lalaki nga ginabanta naga-edad sang 30 anyos sang gintiro sa barangay Arguelles, Jaro kagab-i, Setyembre 26.

Ginkilala ang biktima kay Mark Suarez sang Barangay San Roque, Jaro.

Suno kay PSSgt. Saturnino Dela Cruz, imbestigador sang Jaro Police Station, ginahibalo pa kun riding-in-tandem ang suspect sa pagpaniro bangud base sa ila pagpangusisa, nakasakay sa motorsiklo ang gun man.

Ginahibalo pa sang pulis kun tokhang surrenderer si Suarez.

Una na ginpahayag sang kaupod sang biktima nga si alias toto nga halin sila sa Jaro plaza sang natabo ang insidente.

Nagbakal lang sang sigarilyo si Toto kag nakabati siya sang linupok sang pusil kag sa iya pagbalikid, nakit-an niya na lang nga duguon na si Suarez.

Gindala pa sa ospital ang biktima apang gindeklarar nga napatay. | via Aksyon Angel Mae Ciudad