Gin-report sang Department of Health Western Visayas-Center for Health Development (DOHWV-CHD) nga may local transmission na sang XBB.1.16 Omicron sub-variant ukon arcturus sa Western VIsayas.
Ini tungod nga indi matumod ni DOH Officer-In-Charge Maria Rosario Vergeire kun sa diin kag ano ang ginhalinan sang nasambit nga sub-variant sa rehiyon.
Base sa data sang ahensya may kabug-usan nga apat ka mga kaso sang Arcturus variant ang na-record sa Western Visayas.
Ini ang ginabug-usan sang duha sa Iloilo; tag-isa sa Guimaras kag Bacolod City.
Nagpanugyan naman si Dr. Jane Juanico, Medical Officer IV sang DOHWV-CHD sa publiko nga mag-obserbar sa gihapon sa mga minimum health protocols kasubong sang pagsuksok sang facemask ilabe na gid sa mga area nga may madamo sang tawo, self-isolation kun may sintomas kag pagpabakuna batok sa COVID-19 virus.
Nagpasalig man si Juanico nga naka-full alert status ang mga ospital pananglitan nga may surge sang COVID-19 tungod sa natukiban nga bag-o nga variant.
