Antique: Former Assemblyman Arturo Pacificador, nagtaliwan matapos gin-cardiac arrest

By: Aine Grace Bravo

Nagtaliwan sa edad nga 84 si anay Assemblyman kag incumbent Board Member Arturo “Turing” Pacificador samtang na-confine sa Antique Medical Center kahapon.

Ginkonfirmar ni San Remigio, Antique Mayor Glen Cabigonda nga na-confine sang halos isa ka semana si Pacificador matapos na-stroke. Disyembre 2012 sang na-stroke si Pacificador kag nabudlayan ini nga maglakat apang nagpadalagan pa sa pagka-board member sang probinsya.

Si Pacificador ang naga-representar sang lone district kag nangin floor leader sadto sang Batasang Pambansa sa idalum sang Marcos regime. Napreso siya sa sulod sang siyam ka tuig matapos gintudlo nga mastermind sa pagpatay kay anay Antique Gov. Evelio Javier sang Pebrero 11, 1986 apang gin-abswelto sang korte sang Oktubre 12, 2004.

Gina-istoryahan pa sang pamilya kon diin ihamyang ang bangkay ni Pacificador.