Voter’s registration para sa 2016 presidential elections, magapadayon suno sa Comelec

By: Aine Grace Bravo

Magapadayon ang voter’s registration sang Commission on Elections para sa 2016 presidential elections.

Ini ang ginkonfirmar ni Comelec 6 Director Dennis Ausan matapos ginsuspender sang kongreso ang Sangguniang Kabataan elections. Suno kay Ausan, ginpa-untat temporaryo sang Comelec ang voter’s registration para sa national elections agud hatagan sang ligwa ang SK elections sa Pebrero. Apang nadesisyunan sang Kamara kag Senado nga suspendiron ang eleksyon.

Gin-athag ni Director Ausan nga magapadayon ang voter’s registration umpisa Pebrero 1 tubtub Oktubre 31 subong nga tuig. Ginpahibalo naman ni Ausan sa mga bag-o nga registrants nga magdala lang sang valid ID kag birth certificate sa pagpa-rehistro.