Iloilo City: Papel ni TMTRO Pointperson Mitch Antiqueña sa pagpahamtang sang mga traffic lights, ginkwestyun ni Kag. Plaridel Nava

By: Aine Grace BRavo

Ginkuwestyun ni Kagawad Plaridel Nava, chairman sang Committee on Transportation sang City Council, ang nangin papel ni TMTRO Point Person Mitch Antiqueña sa pagbutang sang mga traffic lights sa syudad.

Sa interview ni Aksyon Niel Gumban sa konsehal, ginpahayag sini nga ginsugid sa iya ni Mr. Jhuren Sartorio sang General Services Office nga si Antiqueña ang ang nag-suhestyun sang mga lugar nga butangan sang traffic lights. Bangud sini, liwat nga naglibog ang ulo sang konsehal sa matuod nga functions ni Antiqueña sa TMTRO. Wala suno sa iya sang poder si Antiqueña nga mag-suhestyun bangud indi ini eksperto kag point person lang siya sang TMTRO.

Ang pahayag ginhimo ni Nava matapos na-obserbahan ni MMDA Asst. Secretary Emerson Carlos nga nagatuga sang paginutok sang mga salakyan ang indi insakto nga pagbutang sang traffic lights. Partikular nga gintumod sang konsehal ang traffic lights sa Huervana, Lapaz kag dalan Delgado sav City Proper.