Iloilo City: 60-anyos nga lalaki, patay matapos nabungguan sang motorsiklo sa Mandurriao!

By: Jocelyn Gelloagan-Maque

Patay ang tigulang nga lalaki nga nabungguan sang motorsiklo sa Barangay Bolilao, Mandurriao kaina sang kaagahon.

Nabuka ang bagol sang biktima nga ginkilala kay Felipe Pillo, 60-anyos sang Barangay Jalandoni, Jaro.

Ginpahayag nga nagalakat-lakat ang biktima pakadtu kuntani sa Iloilo Terminal Market sang nabungguan sang motorsiklo nga gina-maneho ni Angelo Hermosora sang Savannah Subdivision sa Mandurriao.

Suno kay SPO2 Rene Aguinaga nga nag-imbestigar sa natabu, gin-revive pa ang biktima kag gindala sa ospital apang wala gid natabangan.

Samtang, napilasan man sa ulo si Hermosora nga madasig nga gindala sa Western Visayas Medical Center.