Iloilo City: Anay head sang Local Economic Enterprise Office, wala nagpakita sa una nga hugnat sang imbestigasyon sa gin-alegar anomaliya sa Slaughterhouse

By: Aine Grace Bravo

Wala nagpakita sa hearing sang Committee on Markets and Slaughterhouse sang City Council sanday City Administrator Norlito Bautista kag Mr. Vincent de la Cruz, anay head sang Local Economic Enterprise Office kahapon.

Luyag ni Councilor Rodel Agado,  chairman sang komitiba, mahibaluan ang anomaliya kasubong sa pagkadula sang kasudlan kag karne sang mga sapat nga gina-ihaw sa slaughterhouse. Ginreklamo sang mga meat dealers nga kulang na ang karne sang mga sapat nga ginpa-ihaw nila sa slaugtherhouse kon mag-abot sa merkado.

Natukiban pa gid sang komitiba nga may balay sa Barangay Tacas nga gina-ihawan sang sapat sa baylo nga i-diretso sa Iloilo slaughterhouse .