Former Governor Niel Tupas, ginpapanaugan sang warrant of arrest sang Sandiganbayan angut sa ginpasaka nga Graft case batuk sa iya
Iloilo — Ginpapanaugan sang warrant of arrest sang Sandiganbayan si former Govenor Niel Tupas may kaangtanan sa kaso nga graft nga ginpasaka batuk sa iya.
![FORMER GOV NIEL TUPAS](https://aksyonradyoiloilo.com.ph/wp-content/uploads/2015/09/FORMER-GOV-NIEL-TUPAS-268x300.gif)
Apang bailable ang kaso suno kay Tupas kabangdanan nagpadulon siya gilayon sa Sandiganbayan matapos nga nabaton ang warrant of arrest agud mag-piyansa sang P30,000.
Nag-file man sang joint motion sanday Tupas kag 3 pa ka opisyal sang provincial government nga nadalahig sa kaso agud ipa-contempt ang Office of the Ombudsman bangud sa pag-bypass sini sa otoridad sang Court of Appeals nga wala nakaresolbar sa ila gin-file nga Motion for Certiorari.
Una nga gin-file sa Ombudsman ang kaso batuk sa anay gobernador kag sa tatlo ka pa opisyal kag sang nagligad nga semana gin-forward sa Sandiganbayan.
Nag-ugat ang kaso matapos nagbayad ang provincial government sa Green Core Geothermal Power Incorporated sang masobra P4-M sa wala nakonsumo nga koryente.
Magluwas s anay gobernador, ginapaaresto man sang Sandiganbayan sanday Provincial Accountant Lyd Tupas, Asst. Provincial Accountant Sandra Bionat kag General Services Office (GSO) Head Ramie Salcedo. (JoMaque)