IPPO, Handa na sa pagbantay agud masiguro ang Malinong kag Matawhay nga Pag-file sang COCs sa masunod nga semana

Iloilo —  Nakahanda ang Iloilo Police Provincial Office (IPPO) sa pagbantay agud masiguro nga mangin malinong kag matawhay ang filing sang Certificates of Candidacy (COCs) nga magasugod buwas tubtob sa Oktubre 16.

Suno kay IPPO Director Cornelio Salinas, ginapreparahan nila ang posible pagdinaguso sang mga supporters sang mga maga-file sang COC.

Nagapanguna nga obligasyon suno sa iya sang mga pulis ang pagpasiguro nga wala sang matabu nga inaway sa kainiton sang COC filing.

Magluwas sini, ginpasiguro ni Salinas nga indi man pagpabay-an sang mga pulis ang pagbantay sa mga crime-prone nga mga lugar agud wala sang makalusot nga kriminal. (JoMaque)