Duha ka estudyante sang Mandurriao, Elem. School, patay matapos nalumos sa suba

Iloilo City — Patay ang duha ka estudyante sang Mandurriao Elementary School matapos nalumos sa suba sa Barangay Navais, Mandurriao.

Ginkilala ni Barangay Navais tanod commander Rolando Paclibar ang mga biktima nga sanday Michael Sobero kag Remie Monsale sang Sooc, Arevalo.

Suno kay Paclibar, naghagaray ang anum ka mag-classmates nga magpaligo sa suba apang nagpatunga sanday Michael kag Remie tubtub nga nagsarurot sa tubig kag wala na nakabutwa.

Nagtinguha pa ang Coast Guard Auxiliary nga i-rescue ang duha ka biktima apang sang gindala sa Western Visayas Medical Center, wala na natabangan. (JoMaque)