UPDATE: Aktibidad sang mga pulis nga nalawagan sa Senate investigation may kaangtanan sa tuyo nga pagsaka sa Aksyon Radyo Iloilo, gina-monitor na sang NAPOLCOM

Iloilo City–Gina-monitor na sang mga tinawo sang National Police Commission (NAPOLCOM) ang mga aktibidad sang mga pulis nga nalawagan ang pangalan sa Senate inquiry may kaangtanan sa tuyo nga pagsaka sang grupo ni PDEA 6-identified drug personality Melvin Odicta alyas Boyet sa Aksyon Radyo Iloilo.

Suno kay Inspector 4 Napoleon Arostique, hepe sang Technical Services Division sang NAPOLCOM 6, gina-check na nila ang background nanday PO2 Vicente Amatril, PO3 Ric Martin Poblador kag SPO3 Joey Rodillado. Nakita ang pangalan sang tatlo ka pulis sa logbook sang shooting range sa syudad nga nag-test fire sang pusil kag ginpasuni kaupod ang bata ni Odicta nga si Melvin Odicta Jr alyas Vin-Vin.

Magluwas sa tatlo ka aktibo nga pulis, nakita man nga nagapasunod sa logbook ang pangalan nanday Jeffrey Celiz, ang nag-resign nga EA for Political Affairs ni Mayor Jed Patrick Mabilog; retired PINSP Lino Duarte; retired SPO2 Romeo Hualde; kag certain Edmund Defensor. (Aine Grace Bravo)