5 ka K9 dogs, ginhanas agud gamiton sa pag-intercept sang mga nagasulod nga kontrabando sa Dumangas Port

Dumangas, Iloilo–Ginhanas sang Philippine Coast Guard ang tatlo ka mga pulis kag duha ka empleyado sang Munisipyo sa pag-uyat sang K9 dogs nga ginbakal sang banwa.

Ginpahayag ni PSINSP Charlie Sustento, hepe sang Dumangas PNP, ginahanas man ang mga ido sa pagsimhot sang illegal drugs, pusil kag iban pa nga kontrabando nga tuyo ipalusot sa Dumangas Port. Anum ka bulan suno kay Sustento ang training sang sa mga ido antes gamiton sa puerto.

Ang mga ido mangin kabahin sang Task Force Puerto nga gintukod agud malikawan nga makalusot sa Iloilo ang illegal nga mga items. (Aine Grace Bravo)