July 4, 2022

Vice Gubernatorial candidate kag Cong. Junjun Tupas, suportado ang kandidato sang Liberal Party sa pagka-Vice Mayor sa Barotac Viejo bisan nga kasumpong sang iya bayaw

Read Time:49 Second

Pulso PulitikaIloilo City — Kampanyahan ni Liberal Party Vice Gubernatorial candidate kag Congressman Junjun Tupas ang kandidato sang partido sa pagka-Vice Mayor sa Barotac Viejo bisan pa nga kasumpong ini sang iya bayaw.

Pahayag ini ni Congressman Tupas bisan nga bana sang iya manghud nga si Tweety Tupas-Balleza si Parly Balleza nga nagapadalagan nga Vice Mayor sa idalum sang National Unity Party (NUP).

Suno kay Tupas, si Aurelio Medez, Jr ang kandidato sang LP-Ugyon sa pagka-Vice Mayor sa Barotac Viejo kag ini ang iya kampanyahan nga magdaug.

Suno pa kay Tupas, indi siya mabutang sa tunga-tunga bangud si Medez ang ginbendisyunan sang iya amay-the late Governor Niel Tupas nga mangin kandidato sang partido sa Mayo 9 nga eleksyon.

Kumpiyansa naman si Tupas nga wala sang epekto sa iya ang pahayag sang manghud nga botohon sini ang kasumpong sang utod nga si Guimbal Mayor Christine Garin.

Suno kay Tupas, siya ang lider sa Quinto Distrito kag madamo siya sang nabuligan. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Masobra P600K nga alahas kag gadgets, ginkawat sa sulod sang lodging house sa Estancia!
Next post Barangay Kagawad kag ginpasuni nga traffic aide sang Iloilo City, nadakpan sa separado nga drugbust operations sa probinsya!