Update: Duha ka mga ginatudlo suspek sa pagpatay sa HR supervisor sang Taytay sa Kauswagan, boluntaryo nga nag-surrender!

Iloilo — Boluntaryo nga nagsurrender sa Pototan police sanday Hadjie Tolentino, 35 sang Malusgod, Pototan kag Leomar Palencia, 20 sang Punong Grande, Dueñas may kaangtanan sa pagpatay kay Leah Sorongon-Pasamonte, HR Supervisor sang Taytay sa Kauswagan, Inc nga nasapwan sa maligwin nga parte sang Barangay Taslan, Dumarao, Capiz sang Marso 25.

Ggin-ako sang duha ka mga suspek nga sila ang nagpatay sa biktima apang ginpanghiwala nga may nagsugo sa ila.

Ginsaysay ni Palencia nga ginhagad siya ni Tolentino nga holdapon si Pasamonte.

Ginpahayag sini nga sa Rumbang, Pototan pa lang, ginsumbag na ni Tolentino si Pasamonte sa kilid antes ginbuslan ini sa pagmaneho sang awto.

Gin-ako ni Palencia nga siya ang nagkuga kay Pasamonte kag pag-abot sa Taslan, ginkastigo ini ni Tolentino kag ginkuga tubtub nga mapatay.

Gintudlo man sini si Tolentino nga naglugos sa biktima bisan nga patay na.  Halin sa Taslan, nagsakay sa taxi ang mga suspek pabalik sa syudad antes nagdiretso sa Dumangas port kag nagsakay sa RORO vessel pakadtu sa Negros Island.

Ginpanghiwala naman ni Palencia nga nakaruro sila sang shabu samtang ginahimo ang krimen.

Apang gin-ako sini nga nagamit sila ni Tolentino pagkatapos patay sa biktima kag nagbakal sa Bakhaw Mandurriao. (JoMaque)