3 ka Kandidato sa Pagka-mayor sa San Enrique, Nagkomiter nga Matambung sa Candidate’s Forum sang Aksyon Radyo Iloilo kag UPV sa Halalan 2016

Nagkomiter ang tatlo ka mga kandidato sa pagka-alkalde sa San Enrique nga magtambong sa Candidate’s Forum sang Aksyon Radyo Iloilo kag UPV sa Halalan 2016.

Nagpasalig sanday sanday incumbent San Enrique Mayor Ramona Palabrica-Go; former Mayor Trixie Fernandez kag Melando Pama nga magtambong sa debate agud mapresentar sa mga pumuluyo sang banwa ang ila mga plataporma kon mapilian nga magdaug sa Mayo 9 nga eleksyon. Tion man ini para sa mga kandidato nga magsabat sa mga nagkalain-lain nga isyu sa banwa.

Ang Candidate’s Forum, nagaserbi nga giya sa mga botante nga mahimbisan kag mahibaluan ang ikasangkol sang mga kandidato sa syudad kag probinsya sang Iloilo kag Guimaras.

Hiwaton ini sugod ala-1:30 tubtub alas-4:30 karon sa hapon sa San Enrique Covered Gym kag iga-cover live sang Aksyon Radyo Iloilo. (Aine Grace Bravo)