Update: 55-anyos nga Bana nga Nagpa-preso sa iya 46-anyos nga Asawa matapos Nadakpan nga Nagapakig-sex sa 31-anyos sini nga Kerido, Wala na sang Plano magbalik sa Babaye!

Iloilo City — Wala na plano magbalik sa iya asawa ang 55 anyos nga seaman nga nagpadakop sa iya 46 anyos nga asawa matapos niya naabtan nga nagapakighilawas sa 31 anyos nga kerido sini.

Suno sa bana, lunes pa siya nanaug sa barko pero wala siya nagdiretso sa ila balay kundi nagpanilag lang bangud gusto niya dakpon sa akto ang asawa kag kerido sini.

Kahapon sang kaagahon, napamatud-an sang bana ang madugay na nga tsismis nga may kerido gid man ang iya asawa.

Naabtan sini sa sulod mismo sang ila kuwarto ang iya asawa nga ginasampawan sang iban nga lalaki.

Ang lalaki ginpahayag nga tumandok sang antique kag nagatrabaho bilang manugbubod sang manok sa atubang sang balay sang mag-asawa.

Ang mag-asawa may isa ka tuig nga bata nga lalaki.

Ginkasuhan sang adultery sang bana ang iya asawa kag ang karelasyon sini. (JoMaque)