November 29, 2021

Bids and Awards Committee kag Holland Water Refilling Station, Ginrekomendar nga Pasakaan sang Kaso sa Ombudsman angut sa Water delivery issue

Read Time:49 Second

Iloilo City — Magapangatubang sang kaso ang Bids and Awards Committee kag supplier nga Holland Water Refilling Station may kaangtanan sa water delivery issue sa syudad.

Base ini sa ginpasar nga resolution ni Councilor Joshua Alim nga nagarekomendar nga pasakaan sang kaso kriminal kag administratibo sa Office of the Ombudsman ang BAC bangud nag-award sang kontrata sa Holland water nga indi qualified.

Sa isa pa gid ka resolution nga ginpasar ni Alim, nagahinyo ini sa City Legal Office nga mag-initiate sang judicial recission kag sukton sang damages ang Holland water bangud sa kapaslawan nga marasyunan sang tubig sang mga barangay nga naapektuhan sang el niño.

Ang resolution ni Alim nabase sa findings sang Committee of the Whole sang City Council nga nagpangayo paathag sa BAC kag Holland water may kaangtanan sa water delivery sa mga barangay.

9 ka konsehal ang nagpabor sa resolution samtang nag-abstain si Councilor Ed Peñaredondo kag absent naman sanday Councilor Rodel Agado kag Jay Treñas. (JoMaque)

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post UPDATE: Guimaras Provincial Board, Nag-aprubar sang Resolution nga Naga-apelar sa Iloilo City Council nga Indi Pagsiraduhan ang Ortiz Wharf
Next post Electrical Junction Box sang Duha ka Establisiemento sa Iznart, Nagkalayo