Drug Den sa Mandurriao, Ginsalakay sang mga Pulis!

Iloilo City–Ginsalakay sang Mandurriao Police Station Anti-Illegal Drugs Special Operation Task Group ang drug den sa Barangay Bakhaw kagab-i.

Nadakpan sanday Danilo Pasada kag alyas Christian, 17-anyos. Nakapalagyo naman ang iban paagi sa paglumpat sa suba. Naka-recover naman sang mga drug paraphernalia ang mga pulis.

Nag-angal naman si PSINSP Jojo Tabaloc, hepe sang Mandurriao Police Station, bangud wala suno sa iya nagpasa sang kopya sang BADAC report si Bakhaw Punong Barangay Remia Gregori. Suno pa kay Tabaloc, lima lang ka drug personalities ang boluntaryo nga nagsurrender sa ila Oplan Tokhang sa Bakhaw.

Ginpanindugan naman ni Barangay Kagawad Tijam nga may listahan sila sang mga drug personalities. Pero ginabilin nila sa barangay kapitan ang pagpasa sang listahan sa mga pulis. (AGB)