56 ka Pulis nga Ginpa-idalum sa CADET, Nagahulat pa sang Ila Re-assignment–PRO-6

Iloilo City–Wala pa na-reassign ang 56 ka mga pulis nga ginpaidalum sa Character Aptitude and Development Training ukon CADET sa Campo Delgado.

Gin-athag ni Police Regional Office 6 Spokesperson PSUPT Gilbert Gorero nga padayon nga naga-duty sa Regional Personnel Holding and Accounting Unit sa Campo Delgado ang 56 nga mga pulis samtang nagahulat sang mandu para sa ila masunod nga assignment. Suno kay Gorero, wala pa natapos ang validation kag observation sa nasambit nga mga pulis.

Posible nga ma-reassign ang 56 ka pulis sa guwa sang Rehiyon 6 pareho sang una nga batch nga ginpaidalum man sa CADET.

Dugang ni Gorero, posible may masunod pa nga batch nga ipa-idalum sa CADET sa pagpati nga may mga pulis nga kinahanglan bag-uhon. (AGB)