PITO KA TUIG NGA BATA, NAKURYENTE PATAY SA CAPIZ!

Roxas, Capiz — Dead on arrival sa ospital ang pito ka tuig nga bata nga si alyas Richard matapos nakuryente samtang nagahampang sa sulod sang Candelaria National High School -Extension School sa Brgy. Roxas, Tapaz, Capiz kahapon.

Base sa imbestigasyon sang Tapaz Police, natapakan ni Richard ang linya sang kuryente sang water pump sa sa gina-obra nga bubon sa Senior High Building sang nasambit nga eskwelahan.

Ginpahayag nga wala natalupangdan ni Richard ang linya sang kuryente sang naghampang upod ang iya utod kag mga kasilingan sa sulod sang eskwelahan.

Padayon ang imbestigasyon sang Tapaz Police sa insidente. (JoMaque)