December 2, 2021

(Update) Driver nga Naglampos sang Tubo sa Kerido sang iya Asawa, Nag-ako nga Nagagamit sang Illegal nga Druga

Read Time:1 Minute, 4 Second

Iloilo City — Gin-ako sang driver sa san juan molo nga naglampos sang tubo sa gina-updan nga lalaki sang iya asawa subong nga nakagamit siya sang illegal drugs pero nag-untat na.

Suno kay alyas Mar, 32-anyos, gin-ako sini sa iya asawa nga si alyas Emz nga nakagamit siya sang shabu sang una.

Posible suno sa iya nga ini man ang rason nga ginbayaan siya sang iya asawa kag nag-upod kay alyas Ben, 34-anyos nga isa man ka driver.

Pero naakig siya sang nabal-an nga ginasakit ang iya asawa ni ben gani nga iya ini ginlampusan sang tubo kahapon.

Napilasan sa kamot kag baba si Ben nga gindala gid sa ospital pero nakaguwa naman.

Gin-athag ni Mar nga handa man siya batunon liwat si Ems kon magbalik sa iya.

Si Mar kag ang iya asawa ang may duha ka kabataan nga yara sa paghinakup sang bana.

Gin-ako naman ni Ems nga walo ka bulan na ang relasyon nila ni Ben.

Ginrason sini nga ginbayaan ang iya bana bangud pirme sila naga-away kag nagabisyo ini sang shabu.

Ginpanginwala naman ni Ems ang akusasyon ni Mar nga ginasakit siya ni Ben.

Nagabusong naman si Ems sang tatlo ka bulan sa una nga bata nila ni Ben. (JoMaque)

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Determinasyon ni Presidente Duterte bilang Lider sang Pungsod, Gindayaw ni Gov. Art Defensor base sa Mataas sini nga Trust ratings
Next post Manug-stencil sang salakyan sa Jaro, Gintiro Patay!