36-anyos nga Lalaki, Ginlabu Patay sang iya Amay sa Dueñas

Dueñas, Iloilo — Patay ang bata nga ginlabu sang iya amay sa Barangay Lacadon, Dueñas kagab-i.

Ginkilala ang biktima kay Neptali Laqueores, 36 anyos nga may mga pilas sa leog kag likod.

Suno kay Senior Inspector Felix Alianza Jr, hepe sang Dueñas Police Station, nagsurrender man ang suspek nga si Roque Laqueores, 63 anyos.

Base sa pagpangusisa sang police, nagakatulog ang amay sang gin-uyog sang iya bata nga may bitbit nga binangon ang iya katre nga ginatulugan.

Natapungawan ang suspek gani nga ginlabu sini sang iya hulid nga binangon ang iya bata. Ginpahayag nga nagamaoy kag nagasinabad ang biktima kon mahubog.

Wala naghinulsol

Wala naghinulsol ang amay nga ginpatay ang iya bata.

Suno kay Roque, masobra 5 ka tuig na ginahatag nga perwisyo sang iya bata bangud nagapanggamu ini kun nakainom.

Wala naman sang gana magpasaka sang kaso ang pamilya batuk sa ila amay. (JoMaque)