Pag-deputize sang mga Barangay Officials agud Mangdakup sang mga Naga-On Road Parking, Ginakonsiderar sang Syudad kag LTO 6

Iloilo City — Ginakonsiderar sang syudad kag Land Transportation Office 6 nga i-deputize ang mga barangay officials agud mangdakup sang mga naga-on road parking.

Suno kay Atty. Dedoy Geduspan, head sang legal department sang LTO 6, nabatian niya sa ila OIC nga si Nanette De Ocampo nga may agreement sila sang city government nga maghimo sang Memorandum of Agreement nga mangin epektibu sa disyembre subong nga tuig.

Pero gin-athag ni geduspan nga madamo pa sang dapat istoryahan antes dayunon ang plano.

Sa opinion ni Geduspan, kon madayon ang deputization sa mga barangay officials, mahimo lang sila makapangdakup sa ila barangay. (JoMaque)