Teenager, Kritikal sa Ospital matapos nga Gintiro sa Guwa sang Smallville Complex Mandurriao

Iloilo City — Kritikal sa ospital ang 18 anyos nga lalaki sang natiruhan sa guwa sang Smallville Complex sa Mandurriao kaina sang kaagahon.

Ginpahayag nga may igo sa ulo kag buli ang biktima nga ginkilala kay Vincent Tan sang Barangay Ticud La Paz .

Suno sa mga abyan sang biktima, nagabantay ini sang salakyan sang gindulugan sang pula nga pick-up kag gintiro sang nakasakay.

May gindala man sa ospital nga sakay sang maroon nga D-max nga ginkilala kay Robert Angelo Lozada, 24 anyos sang Daanbanwa Lambunao.

May igo ini sa butkon nga naglapos sa dughan.

Gin-ako naman sang upod ni Lozada nga si Jonathan Las Piñas nga siya ang nakatiro sa menor-de-edad.

Nagsurrender si Las Piñas nga ginpahayag seaman, sa Mandurriao police. (JoMaque)