‘Lagapok sa drug test’

Iloilo City–Wala naka-graduate sa rehabilitation program ang duha ka drug dependents nga nagpa-rehab sa Campo Delgado.

Nagpositibo ang drug test sa duha nga taga-Molo kag City Proper gani napurnada ang ila graduation. Suno sa mga facilitators sang drug rehab, wala gid nagdumdom ang duha nga may sorpresa nga drug test sa ila antes mag-gradwar.

68 ka drug dependents ang gin-rehab sa Campo Delgado. Ang mga nagapasakup sa programa, ginapa-idalum sa random drug test kada semana magluwas pa sa regular nga drug testing agud masiguro nga lubos na nga ginbayaan sang mga dependents ang ila bisyo. (AGB)