PRISAA, nagpanguna sa Integrated Meet 2016

Iloilo City–Nagpanguna ang Private Schools Athletic Association ukon PRISAA sa Iloilo Schools Sports Council Meet ukon Integrated Meet 2016.

Base sa official result sang mga hinampang, nangin madinalag-on ang PRISAA sa elementarya kag sekondarya nga nakakuha sang over-all number 1 ranking. Sa elementary level, nakakuha ang PRISAA sang 44 gold, 25 silver kag 13 bronze medals. Sa secondary level, 69 gold, 28 silver kag 18 bronze medals ang nadaug.

Nagsunod sa PRISAA sa elementarya ang Congressional District Sports Association (CDSA) III kag CDSA V. Sa secondary, 1st runner up ang CDSA V kag 2nd runner up ang CDSA III.

Nagtakup ang lima ka adlaw nga Integrated Meet kahapon. (AGB)