Local Economic Enterprise Office, makabayad na sang masobra P17 million nga utang sa PECO

Iloilo City–Mabuhinan na ang masobra P39 million nga utang sang Local Economic Enterprise Office (LEEO) sa Panay Electric Company (PECO).

Gin-aprubahan sang City Council ang Supplemental Budget No. 9 sa 23rd regular session. Suno kay Councilor Ed Peñaredondo, chair sang Committee on Appropriations, kuhaon sa budget ang masobra P17 million nga ibayad sang LEEO sa utang sa PECO.

Wala sang problema suno kay Peñaredondo kon indi mabayaran sang bilog ang utang sa PECO kag mas pabor pa sa syudad suno sa konsehal bangud mahimo magamit ang kuwarta sa iban nga proyekto.

Gindugang pa ni Peñaredondo nga indi man 100% nga maayo ang serbisyo sang PECO. (AGB)