(UPDATE) Engineer, nanginwala sa akusasyon sang welder nga babaye nga ginhambalan niya nga magpakig-sex sa iya

Iloilo City–Lunsay pagpanginwala ang sabat sang 50-anyos nga engineer sa mga akusasyon sang 20-anyos nga welder nga babaye nga ginhambalan niya nga magpakig-sex sa iya sa Mandurriao.

Suno kay alyas Jeffrey, wala sang kamatuoran nga ginhagad niya si alyas Agnes nga magpakighilawas sa iya kag ginpahug pa kon indi siya pagpasugtan. Dugang ni Jeffrey, wala man sang kamatuoran nga gintakus niya ang dughan ni Agnes bangud regaluhan niya sang bra.

Ginhambal pa sang engineer nga indi siya hubog sang Sabado sang gab-i bangud nakapa-uli pa siya sa iya boarding house.

Sa pagpati sang engineer, na-apektuhan ang paminsaron ni Agnes bangud nga naga-pills.

Una nga ginpa-blotter sang babaye si Jeffrey bangud ginkulbaan sa natabu kag ginpahug suno sa iya nga indi pag-irenew ang iya ID agud makasulod sa construction site kon indi magsunod sa engineer. (AGB)