9 ka retailers sang palupok sa Iloilo City, makabaligya na matapos ang gin-isyu nga lifting order sang DOLE

Iloilo City–Siyam (9) ka mga retailers sang firecrackers kag pyrotechnics sa syudad sang Iloilo ang kumpirmado nga gin-isyuhan sang lifting order sa work stoppage sang Department of Labor and Employment ukon DOLE  tubtub Disyembre 28.

Sa mandu sang ahensya, nalakip ang siyam ka retailers sa 131 ka mga establishments sa Rehiyon 6 nga ginpasugtan nga makabaligya sang mga palupok. Ginalakipan ini sang:

1. Custodio Fireworks Retailer-Quezon Street, Arevalo;
2. Kiosko ni Liberato Abanilla-Quezon Street, Arevalo;
3. Kiosko ni Marivic Garcia-Lapaz Plaza;
4. Kiosko ni Raymundo Magallanes-Lapaz Plaza;
5. Kiosko ni Marianie Sonza-Lapaz Plaza;
6. Kiosko ni Jeffrey Minerva-Lapaz Plaza;
7. Kiosko ni Anna Mae-Mandurriao kag Jaro
8. Iloilo Society Commercial-Aldeguer Street, City Proper

Suno kay DOLE 6 Assistant Regional Director Salome Siaton, na-comply sang 131 ka mga establisimento ang mga certification halin sa Bureau of Fire Protection, PNP, Local Government Unit kag 1-day seminar sa DOLE gani na-aprubahan nga bawion ang work stoppage order batuk sa ila.

‘Paskuwa na lang’

Nagahingyo naman ang iban nga firecracker vendors nga wala pa sang lifting order nga ihatag na lang nag regalo sa ila ang Disyembre 30 kag 31 agud makabawi man sa ila gasto.

Ginmandu ni DOLE Secretary Silvestre Bello ang work stoppage order sa mga nagahimo kag nagabaligya sang firecrackers kag pyrotechnics bangud sa sunod-sunod nga mga insidente sang explosion sa nagkalain-lain nga gina-obrahan sang mga palupok. Hatagan lang sang lifting order ang magsunod sa requirements nga gintalana. (AGB)