Mga Pulis Ginarequire Nga Magtrabaho Bwas Suno Sa ICPO Public Information Officer

Iloilo City – Ginarequire ang tanan nga mga pulis nga magtrabaho bwas nga adlaw. Ini ang pahayag ni Police Senior Inspector Shella May Sangrines, Public Information Officer sang Iloilo City Police Office.

Suno kay Sangrines, i-account ang tanan nga mga pulis sa syudad alas kwatro sang hapon bwas nga adlaw magluwas lang sa mga naka sick leave kag maternity leave.

Dugang niya, bago i-deploy ang mga pulis sa nagkalain-lain nila nga mga designated assignments, ginmandu ni ICPO Director Remus Zacharias Canieso nga i-orient liwat sila sang ila papel kag mga responsiblidad.

Dapat nga kabalo man sila suno kay Sangrines kun paano magresponde sa nagkalain lain nga mga insidente nga posible nga magluntad.

Una na nga ginreport nga ginsapol subong nga adlaw ni Canieso ang tanan nga mga station commanders kag staff officers sa syudad may kaangtanan sa preparasyon sang mga pulis sa pagmentinar sang kalinong kag katawhay sa pagsugalaw sang bag-ong tuig.

Aljohn Torreta