PDEA, may gin-clear na nga pangalan sa una nga narco list ni PresidenteDuterte apang wala pa sang ‘go signal’ agud ibuyagyag

Iloilo City —  May gin-clear na ang Philippine Drug Enforcement Agency ukon PDEA nga pangalan sa una nga narco list ni Presidente Rodrigo Duterte.

Pero ginpahayag ni PDEA 6 Assistant Regional Director Levi Ortiz nga wala pa siya sang go signal agud ibuyagyag kon sin-o ang cleared na sa isyu.

Gin-athag naman ni Ortiz nga ang pag-clear ginhimo lang sa ila opisina kag wala siya nakahibalo sa gin-clear sa iban nga law enforcement agencies.

Nagpa-athag si Ortiz matapos ginpabutyag ni Police Regional Office 6 Director Jose Gentiles nga wala na ang pangalan ni Mayor Jed Patrick Mabilog sa latest nga narco list.

Una na gin-athag ni Gentiles nga wala man siya nagahambal nga clear na sa isyu si Mabilog bangud wala na ang iya pangalan sa listahan.

Sa pihak nga bahin, gin-athag ni Ortiz nga PDEA gid man ang lead agency sa anti-drug operations.

Sa pagbungkag sang mga anti-drug groups sa Philippine National Police, magatukod sang bag-o nga narcotics unit ang PNP sa idalum sang supervision sang PDEA pero wala nabal-an ni Ortiz kon san-o ini himuon. (JoMaque)