Ex-convict, nasapwan nga patay sa Lapaz!

Iloilo City–Patay ang ex-convict nga nasapwan duguon sa ibabaw sang taytay sa Lapaz kagab-i.

Gindala pa sa ospital si Roweno Argamaso, 55-anyos sang Rizal, Lapaz pero wala gid nahingagaw nga maluwas. Base sa imbestigasyon sang Lapaz police, nagapamunit si Argamaso sang naglabay ang puti nga pick-up. Nakita sang ulihi nga duguon si Argamaso kag may pilas sa ulo tuga sang pagkaluthang.

Oktubre, 2016 sang nakaguwa sa presuhan si Argamaso nga may kaso may kaangtanan sa illegal drugs. Gina-imbestigaran na sang Lapaz police ang motibo sa insidente. (AGB)